ماهو بيديِ بالشعر ربـي بلانـي

[اميرالمحبين]

ماهو بيديِ بالشعر ربـي بلانـي
اهيم بالافكار فـي كـل وديـان
يتبعني الغاوي لعـذب المعانـي
ويثني عليّ فلان ويحسدني فـلان
أنا نديم القـاف شاعـر زمانـي
فالمكتبات يضمني الـف ديـوان
الحرف سيفي والمعاني حصانـي
وكل الفوارس مرت بكبوة حصان
نجم الثريـاء للعلالـي دعانـي
شاعر حروفي مالها فالثرى شان
يازورق الاحلام بيـن الموانـي
لاتترك اللي فبحر الاحلام غرقان
غزر البحر معروف غير السواني
اللي تضخ الماء على قرون ثيران
هِلـيّ علينـا يامـزون الامانـي
كبد الضماء تِستسقي الغيث هتان
وغنوا معي يامطربيـن الاغانـي
ياليل قل للصبح تو القمـر بـان

[اسير الغلا]

كلمات في غايه الروعه
تسلم اخوي امير
لاتحرمنا من ابداعك

[ابوعبدالله]

صح لسانك اخوي
تقبل مرووري

[عبدالله بن عيبان]

صح لسانك أبو جاسم كلمات حلوة .......... تقبل مروري

[فيض المشاعر]

اشكرك ع الموضوع المميزصح لسانك وجزاك الله خير
وتقبل مروري